«Би жеңісі: «Асыл мұра» Шымкенттен жеңіспен оралды!»
Көкшетау қаласының теміржол вокзалының перронында «Асыл мұра» балалар би ұжымын қалалық мәдениет бөлімінің, «Достар» мәдениет сарайының қызметкерлері, ата-аналар зор үміттері аяқталып, үлкен қуанышпен қарсы алды.
Біздің балалар үйге лайықты жеңіспен оралып, ансамбльдің үлкен тобы Шымкент қаласында өткен V халықаралық хореографиялық конкурстың Гран-приін жеңіп алды, ал кішісі бірінші орынға, ортаншы тобы екінші орынға иеленді.
-Біз халықаралық хореографиялық байқауға үшінші рет қатысып отырмыз. Әр кезде біздің балаларымыз жақсы нәтиже көрсетіп, олардың шеберлігінің артқанын көрсетеді. Мен қатысушы қыздарымның жеңістеріне бірге қуанып, және қалалық мәдениет бөлімінің, «Достар» мәдениет сарайының басшылықтарына, сондай – ақ ата-аналарға біздің ұжымға көрсеткен қолдаулары үшін алғысымды білдіремін, – деді «Асыл мұра» халықтық би ансамблінің жетекшісі Дина Орманшина.
Халықаралық байқауға Ресей, Өзбекстан, Қырғызстан, Қазақстанның үздік хореографиялық ұжымдары қатысты. Балалар ұжымына жаңа шығармашылық жеңістер тілейміз!
