Ақкөл ауданының Еңбек ауылында жеке тұрғын үйден өрт шығып, үйінділер арасынан ер адамның денесі табылды.
Ағымдағы жылдың 19 ақпанында 04-45-тер шамасында орын алған өрт 65 шаршы метр алаңды құраған. Ақмола облысы ТЖД баспасөз қызметінің хабарлауынша, өрт шыққан орынға ТЖД күштерінің жеке құрамынан 7 адам және 2 техника жұмылдырылған.
–06-55-те оқшауланған өрт 08-18-де жойылды. Өрт орнында үйінділерді талдау барысында 1966 жылы туған ер азаматтың денесі табылды, –дейді Ақмола облысы ТЖД баспасөз қызметі.
ТЖД облыс тұрғындарын өрт қауіпсіздігі ережелерін сақтауға шақырады. Төтенше жағдай туындаған жағдайда «101» немесе «112» нөмірі бойынша хабарласуды сұрайды.
