Көкшетау қаласының аумағында Қазақстан Республикасы Ұлттық ұланының құрамындағы аумақтық әскери құралым болып табылатын 5510 әскери бөлімі орналасқан, деп хабарлайды қалалық мәдениет, тілдерді дамыту, дене шынықтыру және спорт бөлімінің баспасөз хатшысы Серік Садвакасов.
Бейбіт уақытта әскери бөлімше маңызды мемлекеттік объектілерді күзету және қоғамдық тәртіпті сақтау жөніндегі міндеттерді орындайды.
Ағымдағы жылдың 10 қаңтарында ҚР Ұлттық ұланының құрылғанына 32 жыл толуына орай әскери бөлімде салтанатты жиналыс өтті. Офицерлер мен сарбаздар алдында «Достар» мәдениет сарайының шығармашылық ұжымы үлкен концерттік бағдарламамен өнер көрсетті. Олардың орындауында патриоттық әндер шырқалды, олар тыңдаушыларды шын жүректен қозғап, залдың қошеметіне бөледі.
