Ақмола облысы жыл сайын еліміздің жоғары сапалы азық-түлік бидайының төрттен бірін өндіретін жетекші ауыл шаруашылығы өңірлерінің бірі болып табылады. 10 айдың қорытындысы бойынша ауыл шаруашылығының жалпы өнімінің көлемі 664 млрд теңгені құрады.
«Күрделі табиғи-климаттық жағдайлар өсімдік шаруашылығы өнімдерін өндіру көлеміне айтарлықтай әсер еткеніне қарамастан, диқандардың қажырлы еңбегінің арқасында біздің облыс 3 млн.тоннадан астам астық жинады», – деп атап өтті ОКҚ баспасөз мәслихатында Ақмола облысының әкімі.
Сондай-ақ, Марат Ахметжанов зардап шеккен фермерлерге көрсетілетін көмек туралы айтып берді, Үкіметтің резервінен субсидиялаудың барлық бағыттары бойынша берешекті өтеуге 16,1 млрд.теңге бөлінді, банктік сыйақыларды өтей отырып, кредиттік міндеттемелер 1 жылға ұзартылды, 3-сыныпты бидай үшін 120 мың теңге және 4-сыныпты бидай үшін 105 мың теңге сомасында ауыл шаруашылығы өніміне сатып алу бағасы белгіленді.
Өңірде мал шаруашылығы дамып келеді. Ет өндірісі артты. 352 мың тонна сүт өндірілді, 608 млн. дана жұмыртқа алынды.
Өңірде 46 жаңа ет және 5 сүт-тауарлы фермасы құрылды, сондай-ақ 15 млрд. теңге қол жетімді кредиттік қаражат есебінен 7 СТФ қаржыландыру арқылы инвестициялық жобаларды жеңілдікпен кредиттеу жөніндегі бағдарламаны іске асыру басталды.
Өңірде жұмыс істейтін 73 өңдеуші кәсіпорынның өнімділігі артты, бұл облысқа азық-түліктің едәуір мөлшерін өндіруге және Бұланды ауданында Макинск құс фабрикасының 3-кезегін, Аршалы ауданында «Ақ-Дала Агро» ЖШС пайдалануға беру есебінен «ақ» ет өндіру бойынша көшбасшылардың бірі болуға мүмкіндік берді.
