2023 жылдың 25-тамызында ӘПК арасында Қазақстан Республикасы Конституциясы күніне орай «Ата Заң – тірегім» Республикалық құқықтық онлайн квиз-байқауы өтті. Оған барлық облыстардың «Жас сарбаз» Республикалық әскери-патриоттық қозғалысының тәрбиеленушілері қатысты.
Іс-шара жас ұрпақты патриотизм рухында тәрбиелеуге, Қазақстан Республикасының заңдарын құрметтеуге және қатысушылардың бастапқы құқықтық білімдерін жинақтауға ықпал етеді.
Аталған додаға Ақмола облысы атынан Көкшетау қаласы Әл-Фараби атындағы ІТ-мектебінің «Мерген» ӘПК тәрбиеленушілері Ербатыр Ернияз Ержігітұлы мен Шагиров Аскар Бауыржанұлы қатысты.
Ережелеріне сәйкес квиз-байқау үш турдан тұрады оған 30 сұрақ кіреді. Әрбір қатысушы квиз-байқау сұрақтарына жеке жауап береді. Сұрақтар Қазақстан Республикасы Конституциясы тарихы мен баптарының мазмұны бойынша құрастырылған.
Тартысты байқаудың қорытындысы бойынша біздің қатысушылар ең көп ұпай жинау арқылы 1-орынды жеңіп алды. Клуб жетекшісі Бекмаганбетов Бекет Кумирсерикович.
