Интернет–алаяқтардың тағы бір құрбаны Қосшы қаласының тұрғыны болды. 11 сәуірде елордалық полиция бөліміне өтініш келіп түсті, онда әйел өз ақшасын алдап иеленген белгісіз адамдарды жауапқа тартуды сұрады.
Өтініш берушінің айтуынша, 5 сәуірде Instagram әлеуметтік желісінде ол инвестициялау арқылы қосымша табыс табу мүмкіндігі туралы жарнаманы көрген. Ақмолалық сілтеме бойынша өткеннен кейін бірнеше минут ішінде «телеграм» қосымшасы бойынша «менеджер» хабарласып, шарттарды түсіндірген.
Ақмола тұрғыны бірінші рет ондай ұсыныстан бас тартқан, алайда екі күннен кейін оған банктердің бірінің жалған қызметкерлері телефонына қоңырау шалып, кейіннен дивидендтер алу үшін ақша салу қажеттілігіне сендірген.
Осылайша, келіншек алаяқтардың шотына 90 000 теңге аударған, алайда кейінірек интернет-алаяқтардың құрбаны болғанын түсініп, полицияға хабарласқан.
Полиция азаматтарды тағы да қырағы болуға шақырады. Алаяқтардың заңсыз әрекеттерінен зардап шеккендердің мәлімдемелері полиция есептерінде күн сайын дерлік тіркеледі, алаяқтардың алдау үшін қолданатын әдістері бірдей.
Құқық қорғау органдары ақша қаражатын үшінші тұлғалардың шоттарына аудармауға, банктердің «қызметкерлеріне» смс – хабарламалардан жеке мәліметтер мен кодтарды хабарламауға қатаң кеңес береді.
