«Жол активтерінің Ұлттық сапа Орталығы» Ақмола облысы бойынша филиала Астана қаласында Наурыз мейрамына орай мерекелік іс-шараға қатысты, деп хабаралайды Aqmolanews.
Жалпы, жолшылар жыл сайын Наурыз мейрамын салтанатты жағдайда атап өтуді берік дәстүрге айналдырған. Осы ретте мерекені ақмолалық жолшылар астаналық және қарағандылық әріптестерімен бірге атап өтті. Біздің ұжым ұлттық тағамдарды әзірлеп, қазақ халқының салт-дәстүрлерінің шығамашылық көріністерді көпшіліктің назарына ұсынды. Ақмолалық жолшылар ұлттық спорт түрлерінен өткен жарыстарға белсенді қатысып, жақсы нәтиже көрсетті. Садақ атудан филиал инженері Тоқтар Балтабаев және хатшы Жадыра Балақаева 1-ші орныға ие болды, арқан тартудан және ұлттық салт-дәстүрден көрініс шеберлігінен біздің ұжым 3 орын алды. Ұлттық тағамдар әзірлеуден филиал 2 орынға ие болды.
Ұжым тамаша өнер көрсетіп және Наурыз мерекесін тойлауға белсене қатысқан үшін «Жол активтерінің Ұлттық сапа Орталығы» РМК Бас директоры Замир Сағыновтың қолынан арнайы сый-сияпатқа ие болды. Одан бөлек Наурыз мерекесіне орайы филиалдың бас маманы Гүлдана Балтабаева және лаборант Руслан Күлиясов ерең еңбектері үшін Алғыс хатпен марапатталды.
