Қорғалжын ауданында мүмкіндігі шектеулі жандарға арналған спорт залы ашылды. Мүмкіндігі шектеулі жандар арнайы тренажерлармен айналыса алады, деп хабарлайды Aqmolanews облыс әкімдігінің баспасөз қызметіне сілтеме жасап.
Мүмкіндігі шектеулі жандарға қолайлы жағдай жасау үшін Қорғалжын ауылында жаңа спорт залы ашылды. Оның негізгі міндеті-мүмкіндігі шектеулі адамдарды спортқа тарту, оларды бейімдеу және оңалту.
Жаңа зал жеке қабілеттерін ескере отырып, спорттық снарядтармен және құрал-саймандармен жабдықталған және барлық заманауи талаптарға сай келеді.
Қорғалжын ауданы әкімінің мүгедектік істері жөніндегі кеңесшісі Гүлжан Сарбасованың айтуынша, Қорғалжын ауданында 119 мүмкіндігі шектеулі адамдар тұрады.
«Мұнда бір уақытта 20 адамға дейін спортпен шұғылдануға болады. Бүгінде мүмкіндігі шектеулі жандарға ерекше қолдау көрсетіледі. Президент Қасым-Жомарт Тоқаев мұны әрқашан атап өтеді. Сондықтан мұндай залдардың санын көбейту керек», – деп атап өтті Гүлжан Сарбасова.
Қорғалжын ауданының мүгедектер қоғамында атап өткендей, спорт залын аша отырып, мүмкіндігі шектеулі жандар үшін бос уақытын ұйымдастырып, осы жерде өздерін жайлы сезінулері үшін жағдай жасағысы келеді. Сондай-ақ, бұл өңірдегі бұқаралық спорттың дамуына және жаңа спорттық жетістіктерге қол жеткізуге ықпал ететіні сөзсіз.
