Өткен жылдың қорытындысы бойынша Ақмола облысында балалар суицидінің көрсеткіштері 2 есе азайды, 2021 жылы өңірде 8 балалар суициді тіркелсе, өткен жылы бұл көрсеткіш 4 оқиғаға дейін кеміді. Ол жайлы бүгінгі брифингте Ақмола облысы білім беру басқармасының басшысы Валерий Гамазов хабарлады.
«Бұл – өте ауыр тақырып. Психологтар ата-аналармен, сынып жетекшілерімен, топ кураторларымен бірлесіп ауқымды жұмысты атқаруда. Бұл көрсеткіш – солардың талай жылдан бері жүргізіліп келе жатқан жүйелі қызметінің нәтижесі» – деді ведомство өкілі.
Спикердің айтуынша, балалар арасында өз-өзіне қол жұмсауға әрекеттену фактілері де азайып отыр. 2021 жылы 25 суицидке талпыну әрекеті орын алса, 2022 жылы 19 оқиға тіркелді.
