Ағымдағы жылдың 22 қаңтарында Көкшетау қаласының полиция басқармасына спорт дүкендерінің бірінің сатушысынан ағымдағы жылдың 21 қаңтарында сағат 17:00-ден 18:00-ге дейінгі аралықта белгісіз адам еркін қол жеткізу жолымен спорттық костюм мен шаңғы қолғаптарын ұрлап кеткені туралы өтініш келіп түсті. Келтірілген залал сомасы 16 мың теңгеден астам соманы құрады.
Жедел-іздестіру іс-шаралары барысында қаскүнемнің жеке басы анықталды. Облыс орталығының 36 жастағы тұрғыны киім өлшеп көру кабинасында ұрлыққа қарсы датчиктерді алып тастап, тауарларды киімінің астына жасырып, дүкеннен шығып кеткен. Дүкенде орнатылған қауіпсіздік камераларының жазбасы қаскөйді табуға көмектесті. Осы факті бойынша ҚР ҚК 188-бабы 1-бөлігі «ұрлық» бойынша сотқа дейінгі тергеу жүргізілуде.
Фото: zarya.by
