Көкшетауда жүргізуші полицейлерге жалған құжат көрсеткен

Щучинск қаласының 27 жастағы тұрғыны полицейлерге көлік құралын тіркеу туралы жалған куәлік көрсеткен.
Ағымдағы жылдың 10 қыркүйегінде «Автоураган» экипажы жол қозғалысын қадағалау кезінде Әуезов көшесі бойында шетелдік есептегі «ВАЗ-2115» маркалы автокөлігін тоқтатты. Құжаттарды тексеру кезінде көлік құралын тіркеу туралы куәлікте тіркеу нөмірінің сәйкессіздігі анықталды, ол қарапайым қарындашпен, қолмен жазылған. Аталған фактіге сәйкес ҚР ҚК 385-бабы 3-бөлігі бойынша «Көрінеу жалған құжатты пайдалану» бойынша сотқа дейінгі тергеу жүргізілуде. Сараптама тағайындалды. Автокөлік мамандандырылған автотұраққа қойылды.