Атмосфералық фронталды бөліктердің өтуіне байланысты ҚР басым бөлігінде тұрақсыз ауа райы сақталады – жаңбыр мен қар түрінде жауын – шашын, солтүстікте-төмен бұрқасын, жолдарда көктайғақ күтіледі. Тек еліміздің шығыс өңірлерінде антициклон жотасының ықпалымен жауын-шашынсыз ауа райы күтіледі. Республика бойынша кей жерлерде тұман күтіледі, еліміздің оңтүстігінде, солтүстігінде және шығысында жел күшейеді, деп жазады Қазгидромет.
Қостанай облысында күндіз облыстың солтүстігінде көктайғақ, бұрқасын күтіледі, жел 15-20 м/с күшейеді, облыстың оңтүстігінде тұман түседі. Солтүстік Қазақстан, Шығыс Қазақстан облыстарының батысы мен солтүстігінде тұман түсіп, жел 15-20 м/с күшейеді, Жамбыл облысының таулы, тау бөктері аудандарында тұман, облыстың оңтүстік-батысында, солтүстік-шығысында-жел 15-20 м/с күшейеді, Ақмола, Қызылорда, Ақтөбе облыстарының оңтүстік-шығысында, Атырау облысының солтүстігі мен шығысында – тұман, Ақмола облысының батысында-көктайғақ күтіледі. Батыста және орталықта Қарағанды, Батыс Қазақстан облысының солтүстігінде тұман түсіп, көктайғақ болады. Түркістан облысының солтүстігі мен таулы аудандарында, Маңғыстау облысының солтүстігі мен батысында тұман түсіп, жел 15-20 м/с күшейеді.
