Индонезияда Семеру жанартауы оянды, деп хабарлайды «Хабар 24».
Атқылап жатқан күл мен түтіннің биіктігі 12 шақырымнан асады. Құрбандар туралы ақпарат жоқ. Бірақ денесін күйік шалып, ауруханаға түскен адамдар бар. Алайда олардың нақты саны әзірге белгісіз. Жақын маңайдағы тұрғындарды қауіпсіз жерге көшіру жұмыстары жүріп жатыр. Оқыс оқиға кезінде өңірдегі көпірдің бірі зақымданып, эвакуация қиындаған. Айта кеткен жөн, биіктігі 3 жарым мың метрден асатын Семеру жанартауы соңғы рет осы жылдың қаңтар айында атқылаған. Ол кезде ешкім жапа шеккен жоқ.
