Қазақстан Республикасы колледждерінің ең үздік 100 студенті жобасына қатысатын шәкірттер белгілі болды. Республикалық конкурстың облыстық кезеңі мәресіне жетіп, талантты жастар анықталды, деп хабарлайды «Aqmola News».
Байқаудың облыстық кезеңі 21 қыркүйек пен 1 қазан аралығында өткізілді.
Республикалық кезеңде облыс намысын қорғауға 10 үздік үміткер іріктеліп алынды.
Жүзден жүйрік шығып республикалық байқауға жолдама алған студенттер үкілеген үмітімізді ақтайды деген сенімдеміз. Облыстық іріктеу кезеңінен Алмас Губайдулин, Лана Рамазанова, Дәнекер Алькенов, Максим Теплинский, Амина Қайратова, Нұрсұлу Нұрмағамбетова, Руслан Жайлауов, Дана Сағынаева, Жангул Болд, Роман Демьянивтер қатарластарынан оқ бойы озық көрінді», – дейді ұйымдастырушылар.
