Қоғамдық келісім сарайында Қазақстан халқы Ақмола Ассамблеясы мүшелері мен жоғары оқу орындары студенттерінің қатысуымен Президент Жолдауын талқылау бойынша дөңгелек үстел ұйымдастырылды, деп хабарлайды «Aqmola News».
Дөңгелек үстел барысында Қазақстан халқы АқмолаАссамблеясының мүшелері «Санги-Кабуд» Тәжік ұлттық-мәдени орталығының төрағасы У.Ф. Шоназаров, «Қазақ тілі мен мәдениеті» ҚБ төрағасы М. К. Қиықов, «Лад «славян қозғалысы» РҚБ төрағасы М. Б. Крамаренко Жолдаудың негізгі ережелері бойынша ой-пікірлерімен бөлісті.
Сондай-ақ дөңгелек үстелге қатысушылар Жолдауды жүзеге асыру бойынша өз ұсыныстарын білдірді.
Дөңгелек үстел барысында этносаралық келісімді, Қазақстан халқының бірлігін нығайту, ел үшін қажетті мамандарды даярлау, мемлекеттік тілді үйрену, ұлт денсаулығын нығайту, жастардың азаматтық белсенділігін арттыру сияқты тезистер айтылды.
