Ақмола облысының төтенше жағдайлар департаменті жылыту маусымы қарсаңында «Өрт қауіпсіздігі» айлығын жариялады. Қауіпсіздіктің алдын алу мақсатында ұйымдастырылатын бұл шара 1 қыркүйектен 1 қазанға дейін жалғаспақ, деп хабарлайды «Aqmola News».
Ведомствоның мәліметінше айлық аясында рейд шаралары ұйымдастырылып, азаматтарға тұрмыстағы өрт қауіпсіздігінің негізгі ережелері түсіндіріледі. Ал оқу орындарында оқушылармен өрт қауіпсіздігі ережелерін және өрт кезіндегі іс-қимылдарды сақтау бойынша ашық сабақтар өткізіледі.
«Бұл іс-шаралар жыл сайын өткізіледі және өрт қауіпсіздігі саласындағы профилактикаға бағытталған іс-шаралар кешенін қамтиды», – дейді облыстық төтенше жағдайлар департаментінен.
