Ақмолалық қол күресінің шеберлері Азия чемпионатынан олжалы оралды. Жеті алтын және үш күміс медальді қоржынға салған ақмолалықтар жеңіс тұғырынан көрінді, деп хабарлайды «Aqmola News» Ақмола облысының дене шынықтыру және спорт басқармасына сілтеме жасап.
Алматы қаласында армрестлингтен өткен Азия чемпионаты мүмкіндігі шектеулі спортшылар арасында өткен еді. Ақмола облысының намасын «Мерген» спорттық клубының білекті қыз-жігіттері қорғаған.
Есту органдары бұзылған спортшылар арасында оң және сол қолмен бірдей күрескен Андрей Путинцев, Дмитрий Шубаба және Любовь Гергерт екі мәрте чемпион атанды. Ал тірек-қимыл жүйесі бұзылған спортшылар арасында қарсылас шақ келтірмеген Светлана Лопата оң қолымен күресте алтыннан алқа тақса, сол қолымен күміс медальді қанжығаға салды. Есту органдары бұзылғандар арасында оң және сол қолымен күресте Ринат Ахметов күміс жүлдеге қол жеткізді», – деді ведомствоның баспасөз қызметінен.
