Атбасар қаласының жанында мұсылман бейіті өртенді. Бүгін кешке болған өрттің алапат болғаны соншалық тұтас қорым аумағын түгел өрт шалды, деп хабарлайды «Aqmola News»порталының тілшісі.
Тілсіз жау жайлы Ақмола облысының төтенше жағдайлар департаменті түсініктеме берді. Ведомствоның мәліметінше өрт мұсылман бейітінің жанындағы қоқыстан тұтанған.
«Өрт бейіт жанындағы қоқыста тұтанып, одан кейін бейіттің аумағындағы бұталар мен талдарға ауысқаны анықталды. Бейітте орын алған өртті сөндіруге жеке құрамның 10 сарбазы мен екі техника жұмылдырылд», – деді Ақмола облысының төтенше жағдайлар департаментінің баспасөз қызметінен.
Қазіргі уақытта өрт толықтай сөндірілген.
