Ағымдағы жылдың 16 мамырында Ақмола облысы ПД ҚПБ жедел қызметкерлеріне Хасенов базарында ер адамның алкоголь өнімдерін заңсыз сатумен айналысатыны туралы жасырын ақпарат келіп түсті,-деп хабарлайды «Aqmola News» ақпарат агенттігі ведомстваның баспасөз қызметіне сілтеме жасап.
Нәтижесінде жедел-іздестіру іс-шаралары барысында 2021 жылғы 17 мамырда сағат 09.00-де Көкшетау қаласының «Боровской» ш.а. аумағында, Хасенов базарының ауданындағы гараж қоғамдастығында өзінің жерасты цехында алкоголь өнімдерін құюмен айналысқан ер адамды анықтады.
Белгілі болғандай, ол Көкшетау қаласының 33 жастағы тұрғыны болып шықты, оның орнынан 600 литр мөлдір сұйықтық, шамамен 300 литр арақ және 300 литр таза спирт тәркіленді. Полицейлердің айтуынша, ер адам бұл қызметпен бір жылдан астам уақыт айналысып келеді. Материал Көкшетау қаласының МКБ – не жіберіледі.
