Көкшетау қаласында Ақмола облысының тарихи өлкетану музейіне Чехияның Қазақстандағы елшісі келді, деп хабарлайды «Aqmola News».
Бұл туралы аталған музейдің баспасөз қызметі мәлім етті.
Рудольф Гиф музейді тамашалап, музей жәдігерлері мен қазақтың тарихи оқиғалары туралы тамашалады. Елші экскурсия барысында қазақ халқының тұрмысы мен мәдениеті, Ақмола облысында жүргізілетін археологиялық және этнографиялық экспедициялар жөнінде қызығушылық танытқан.
«Қазақ халқының тарихы мен мәдениеті өте бай халық. Мұны бүгін Көкшетау қаласындағы тарихи-өлкетану музейінде анық байқадым. Музейде қазақ халқының этнографиялық тарихынан сыр шертетін өте құнды мәліметтер бар екен, – дейді Рудольф Гиф.
Экскурсия соңында Ақмола облыстық тарихи-өлкетану музейінің директоры Қуаныш Шақшақов пен Рудольф Гикл бір-біріне естелік сыйлықтар табыс етті.