Ақмолада сотталушы бес жыл бері еш хабары болмаған ата-анасымен бейнебайланысқа шықты, деп хабарлайды «Aqmola News» Ақмола облысының қылмыстық атқару жүйесі департаментінің баспасөз қызметіне сілтеме жасап.
Қарақшылық шабуыл жасағаны үшін жазасын өтеп жатқан Константин ата-анасын табу үшін колония қызметкерлеріне өтініш білдіріпті.
Жедел іздестіру шараларын ұйымдастырған ақмолалық тәртіп сақшылары сотталушының әке-шешесі де ауыр қылмыс жасағаны үшін түзеу мекемелерінде жазасын өтеп жатқанын анықтаған.
Алдын ала келісіммен заңды бұзғандары үшін жазасын өтеп жатқан ата-ана мен балаларының бейнекездесуін өткіздік. Онлайн кездесу еш мәжбүрлеусіз кезінде ата-ана мен балаларын қайта жолықтырды. Ата-анасы балаларынан өз тағдырларын қайталамауын өтінді, – дейді облыстық қылмыстық атқару жүйесі департаментінің баспасөз хатшысы Ирина Горнова.
Константиннің жазасын өтеп, бостандыққа шығуына жақын қалған. Кішкентай қарындасының күтіп жатқанын айтқан ата-ана барлық режимді сақтап үйге тезірек оралуын өтінді.
Кездесу соңында отбасы мүшелерінің үшеуі де ҚАЖ қызметкерлеріне кездесуге мүмкіндік бергеніне алғысын білдірді, – деп толықтырды Ирина Горнова.
