Көкшетау қаласында ағымдағы жылы 153, 6 шаршы метр баспана пайдалануға берілді,-деп хабарлайды «Aqmola News».
Бұл туралы өңірдің 10 айындығы әлеуметтік-экономикалық дамуының оң өзгерістеріне арналған брифингте қала әкімі Амангелді Смайлов айтты.
Қаладағы құрылыс жұмыстарының көлемі 33,3 миллиард теңгені құрады. Қорытынды кезеңде қалада салынып жатқан бірқатар үйлердің құрылысы аяқталып, 153,6 шаршы метр тұрғын үй пайдалануға берілді,-деді қала әкімі брифинг барысында.
Бұдан бөлек, жалпы ауданы 29 154 м2 болатын жер телімдерінен 21 жеке үй пайдалануға берілді.
Биылғы жылы Әуезов көшесінің бойынан жалпы аумағы 184 шаршы метр жерден 4074 м2 болатын Жоғары көпсалалы колледжі мен Абай Мырзахметов атындағы Көкшетау мемлекеттік Университетінің жанынан аумағы 4001 м 2 болатын «Студенттер үйінің» салынып, қолданысқа берілгендігін атап өткім келеді. Сонымен қатар А және В корпустарынан тұратын «Болашақ сарайының» салынуы да, өңірдегі құрылыс саласының үлкен жетістігі. Бұл өңірдегі оқушылар мен студенттердің білім алу сапасын жақсарту мақсатында атқарылған жұмыстардың бірі,-деді Амангелді Смайлов өз сөзінде.
Қала әкімі жиын барысында қалада биыл тұрғын үйлердің құрылысы қарқынды жүргізіліп, бірқатар баспанаға мұқтаж көкшетаулықтар қоныс тойын тойлағанын атап өтті.
Қаладағы құрылыстарды «АлуаСтрой» ,»Кокше Сити», «Отау Курылыс»,»Евразия Строй» сияқты басқа да құрылыс компаниялары жүзеге асырған.
