22 қараша күні солтүстікте және батыста күн жауын-шашынсыз болады. Оңтүстікте және шығыста жауын-шашын (қар, жаңбыр) болады. Республиканың кей жерлерінде тұман түсіп, жел күшейеді, деп хабарлайды «Aqmola News» Қазгидрометке сілтеме жасап.
Жамбыл, Түркістан облыстарының кей жерлерінде тұман түсіп, жаяу бұрқасын болады, жел 15-20 м/с жылдамдықпен соғады. Түркістан облысында – көктайғақ болады.
Маңғыстау, Атырау облыстарының кей жерлерінде жел 15-20 м/с жылдамдықпен соғады. Маңғыстау облысында түнде – көктайғақ, Атырау облысында – тұман түседі.
Алматы облысының кей жерлерінде түнде және таңертең тұман түседі.
Шығыс Қазақстан облысының кей жерлерінде түнде және таңертең тұман түседі. Күндіз желдің күші 15-20 м/с-қа жетеді.
Батыс Қазақстан, Солтүстік Қазақстан, Қостанай облыстарының кей жерлерінде тұман түсуы ықтимал.
