Синоптиктер болжамынша, бейсенбі күні антициклон әсерінен Қазақстан аумағының басым бөлігінде жауын-шашынсыз ауа райы болады. Бұл туралы «Қазгидромет» РМК баспасөз қызметі хабарлады.
Дегенмен, республиканың солтүстігі мен оңтүстігінде фронталды бөліктердің әсерінен қар жауады. Еліміздің кей жерлерінде тұман түсіп, оңтүстік аумағында желдің күшеюі, жаяу бұрқасын болуы мүмкін.
Жамбыл, Түркістан облыстарының кей жерлерінде тұман, жаяу бұрқасын болуы ықтимал, Түркістан, түнде Жамбыл облыстарының кей жерлерінде жел 15-20 м/с күшейеді.
Маңғыстау облысының кей жерлерінде жел 15-20 м/с болады.
Ақмола, Алматы, Атырау, Батыс Қазақстан, Қостанай, Солтүстік Қазақстан, Шығыс Қазақстан, Павлодар, Қарағанды облыстарының кей жерлерінде тұман түседі.
