27 қазан күні Ақкөл қаласының «Мерей», «Гранд-Ақкөл», «Альтаир-Ж» және «Айболит» дәріханалары санитарлық – эпидемиологиялық нормалардың сақталуын тексерумен қамтылды,-деп хабарлайды «Aqmola News» Ақкөл ауданы әкімдігінің баспасөз қызметіне сілтеме жасап.
Іс-шара барысында дезинфекциялау құралдарын пайдалану регламентінің бұзылуы және үй-жайды кварцтау кестесінің болмауы анықталды. Барлық бұзушылық фактілері бойынша түсіндіру жұмыстары жүргізілді.
Адамдар көп шоғырланатын жерлерде, қоғамдық көлікте, сауда нысандарында және басқа да жабық үй-жайларда бетперде тағып, әлеуметтік қашықтықты сақтау, антисептиктерді пайдалану қажет. Қатаң санитарлық-эпидемиологиялық шаралар сақталмаған жағдайда, әкімшілік ықпал ету шаралар қабылданатыны туралы ескертеміз.
