2020 жылдың 10 және 17 қазанында Көкшетау қаласында «Тәуелсіздік» алаңында облыстық ауыл шаруашылық жәрмеңкесі өтеді,-деп хабарлайды «Aqmola News».
10 қазанда Астрахан, Атбасар, Егіндікөл, Есіл, Жақсы, Жарқайың, Зеренді, Сандықтау, Біржан Сал аудандары және Көкшетау қаласы, «Kokshe ӘКК ҰК» АҚ-ның өнімдері саудаланады.
Ал, 17 қазанда Аршалы, Ақкөл, Бурабай, Бұланды, Ерейментау, Шортанды, Қорғалжын, Целиноград аудандарынан ет, сүт, көкөніс, жеміс-жидек сияқты табиғи таза өнімдер жеткізілмек.
Жәрмеңке таңғы 8-00-де басталады. Онда нарықтық бағадан төмен бағамен өнімдердің кең ассортименті ұсынылмақ.
Санитарлық-гигиеналық талаптарды сақтау бойынша шаралар қарастырылады. Келушілер әлеуметтік арақашықтықты сақтап бетперде тағуы маңызды.
Көкшетаулықтарға жәрмеңкеден қапы қалмаңыздар дейміз!
