Жақсы ауданында орталық аурухана дәрігерлеріне арналған тұрғын үй салынуда. Осыған дейін жұқпалы аурулар бөлімі болған ғимарат қайта жабдықталып жатыр, – деп хабарлайды «Aqmola News».
Бұл туралы Жақсы ауданына жасалған пресс-тур кезінде мәлім болды.
Қазіргі уақытта аудандық аурухана маңында құрылыс жұмыстары жүріп жатыр. Мердігер Павлодар қаласынан келген «ПавлодарЭнергоМонтаж» жауапкершілігі шектеулі серіктестігі.
«Ғимараттың жалпы ауданы 474 шаршы метрді құрйды. Мұнда сегіз пәтер болады. Оның төртеуі бір бөлмелі және 4-і екі бөлмелі болмақ, – дейді құрылыс бөлімінің басшысы Дәулет Қосшығұлов.
Ал алдағы желтоқсанда орталық аурухана дәрігерлері мен қызметкерлері жаңа пәтерлердің кілтіне ие болмақ.