Жақсы ауданында алғашқы коворкинг-орталық пайда болады. Жаңа нысан қыркүйек айының соңында ашылу жоспарланған, – деп хабарлайды «Aqmola News».
Елбасының «Болашаққа бағдар: Рухани жаңғыру» бағдарламалық мақаласында рухани мұраға ерекше назар аударылған. Кітапханада заманауи коворкинг-орталықтардың ашылуы мәдени құндылықтардың білім-ғылымды үйретуге мол мүмкіндік беріледі. Жақсы ауданындағы коворкинг-орталықты ұйымдастыруға төрт миллион теңге бөлінген.
Аудандық бюджеттен бөлінген қаражатқа нысанға ішкі әрлеу жұмыстары жасалып, едені ауыстырылды. Қазіргі уақытта жиһаздары жиналуда. Коворкинг-орталықта интеллектуалды демалыс және жұмыс жасау үшін барлық қажетті жағдай жасалған. Ыңғайлы креслолар орнатылып, компьютерлер, сканерлер мен принтерлер қойылған,, – дейді Жақсы ауданы әкімдігінен.
Жаңа нысанды осы жылдың 30 қыркүйегінде ашу жоспарланған. Коворкинг-орталықтар бірлескен қызметке арналған, жаңа орталық жоғары жылдамдықты интернет байланысымен жабдықталған.