Ақмола облысында ауыл шаруашылығы тауар өндірушілерін субсидиялау көлемі мен бағыттары өзгерді. Осыған сәйкес өтінімдерді қайта қабылдау басталды, – деп хабарлайды «Aqmola News» Ақмола облысы ауыл шаруашылығы басқармасына сілтеме жасап.
Майра ҚУАНЫШҚЫЗЫ
Басқарманың мәліметінше облыстағы ауыл шаруашылығы саласындағы серіктестіктер мен шаруа қожалықтары субсидия алу үшін қайта дан өтінім беруі тиіс.
Қазақстан Республикасы Ауыл шаруашылығы министрінің 2019 жылғы 15 наурыздағы № 108 бұйрығымен бекітілген асыл тұқымды мал шаруашылығын дамытуды, мал шаруашылығы өнімінің өнімділігі мен сапасын арттыруды субсидиялау қағидаларының 8 тармағына сәйкес Ақмола облысы әкімдігінің қаулысына субсидиялау көлемі мен бағыттары бойынша өзгерістер енгізілді. Осыған байланысты бүгіннен бастап субсидиялау ақпараттық жүйесіне сәйкес өтінімдерді қабылдау басталды, – дейді Ауыл шаруашылығы басқармасының басшысы Димаш Таласбаев.
