Степногорск қаласында аудан әкімінің қатысуымен өткен жиында жылыту маусымына әзірлік барысы пысықталды, – деп хабарлайды «Aqmola News».
Майра ҚУАНЫШҚЫЗЫ
Жиын барысында 2020-2021 жылғы жылыту маусымына тұрғын үй-коммуналдық шаруашылығы, отын-энергетикалық кешені мен әлеуметтік сала нысандарын дайындау жөніндегі кешенді ісшаралар жоспары бекітілді.
Тұрғын үй-коммуналдық шаруашылық бөлімінің басшысы Ғалымбек Ахмеджановтың айтуынша, алдағы жылыту маусымына тұрғын үй қорының 353 нысаны (80 %) мен әлеуметтік нысандардың 61 нысаны (98 %) әзірленген.
Қала әкімі саладағы жауапты тұлғаларға барлық объектілердің жылыту маусымына әзірлігін қамтамасыз етуді тапсырды. Сондай-ақ жиын барысында көп қабатты тұрғын үйлердегі сыртық бейнебақылау камераларын орнату мәселесі көтерілді.
