Ерейментауда ардагерлер кеңесінің ұйымдастыруымен «Табиғат тартуы» атты көкөніс пен жемістер көрмесі ұйымдастырылды,-деп хабарлайды «Aqmola News».
Майра ҚУАНЫШҚЫЗЫ
Аудандық ардагерлер кеңесінің мүшелері ашық аспан астында өткізген көрмеге қала әкімдігінің ішкі саясат бөлімі қолдау көрсеткен.
Көрмеге көздің жауын алатын дәруменге бай ең үлкен асқабақ, кәді, алма, қияр, қызанақ сияқты ауыл шаруашылық өнімдері қойылған.
Бұл көрмені өткізу ге әлеуметтік желіде қатысушылар үшін хабарлама таратылды . Қала тұрғындары мен қала қонақтары келіп, ауыл шаруашылығы өнімдерін өсіру тұрғысында іс-тәжірбиелерімен бөлісті. Емен-жарқын әңгіме айтылып, көрме қызықты өткізілді. Осы көрме қатысушыларының барлығына алғыс айтамын,-дейді аудандық ардагерлер кеңесінің төрайымы Қарашаш Қалқаманова.
Ұйымдастырушылардың айтуынша, шаруашылықтың қыр -сырын үйретуге, үйренуге бағыттылған көкөністер мен жемістер көрмесі алдағы уақытта да жиі өткізілмек.
