.
Үкілі Ыбырай атындағы Ақмола облыстық филормониясының қызметкерлері «Ән аманаты» атты онлайн жобаны қолға алды. Жоба аясында жергілікті ақын, сазгерлердің 20-ға жуық өнер туындылары арнайы таспаға жазылып, әлеуметтік желілерге жарияланды,-деп хабарлайды «Aqmola News».
Ән аманаты жобасының жетекшісі белгілі дәстүрлі әнші – Сәрсенбай Хасенов. Жоба шартына сәйкес қатысушы ақын, сазгерлердің өмірбаяндарына жеке тоқталып, әндерінің шығу тарихы жайында мол ақпар беріп, бір туындысын орындайды.
Әр видеоның ұзындығы 10 минуттан. Себебі, одан көп болса оқырмандарды жалықтырып алуымыз мүмкін. Сол уақыттың ішінде ән де орындалады, тарихы да қамтылады. Сосын бұл жерде тек Біржан сал, Ақан серілер ғана емес, бүгінгі Иран сал Тасқара, Құдайберлі Мырзабек, Бүркіт Бекмағанбетов, Тыныштық Шаменовтардың туындылары да бар. Қазіргі жастар әлеуметтік желілерде көп отырады ғой. Сосын осы жобаны жастардың талғамына сай қысқа, қызықты қылып жасап жатырмыз,-дейді дәстүрлә әнші Сәрсенбай Хасенов
Қатысушы өз жұмысын видеоға түсіріп, әлеуметтік желілерге жариялайды.
