Бірнеше жылдар бойы ауыз судан тапшылық көрген Целиноград ауданындағы Қаражар ауылы тұрғындары үшін ақ түйенің қарны жарылды. Ауылда сапалы ауыз сумен қамтамасыз ету мақсатында арнайы блок-модуль орнатылды, – деп хабарлайды «Aqmola News».
Майра ҚУАНЫШҚЫЗЫ
Сумен қамтамасыз етуге арналған бұл жоба осыдан аттай төрт жыл бұрын 2016 жылы бастау алыпты.
Бүгінде ауыл тұрғындарын таза ауыз сумен қамтамасыз ету мәселесі шешілді. Ауылға сапалы ауыз су тартылды. Бұған дейін Қаражар ауылы суды көрші ауылдардан тасымалдап ішіп келген. Енді ауылдағы қарапайым жұрт судан таршылы қ көрмейтін болды, – дейді аудан әкімі Бахидбек Оспанбеков.
Ауданда елдімекендерге су желісін тарту, тұрғындарды ауыз сумен қамтамасыз етуге бағытталған жоба қарқынды түрде жүзеге асып келеді. Қараөткел ауылдық округына қарасты Жаңажол ауылында да ауыз су құбырларын тарту жұмыстары басталған.
