Есілде шөп науқаны қызу жүріп жатыр. Маусымның алғашқы күндерінен іске кіріскен шаруашылықтар 25 мың тоннадан астам қысқы жем-шөбін қамдап үлгерді, – деп хабарлайды «Aqmola News».
Бұл туралы Есіл ауданы әкімдігінен мәлім етті.
Жалпы Есіл ауданы биыл 49,300 мың тонна жем-шөп әзірлеуді жоспарлапты.
Ауданда мал шаруашылығымен айналысатын шаруа қожалықтары мен серікестіктерге жаздың әрбір күні аса қымбат. Қазіргі уақытқа дейін жоспарланған меженің 51 пайызы орындалды. Биыл ыстық ауа райы егін-шөптің жақсы шығуына ықпал етіп, шөпке шалғы ерте түсті. Бұйырса қысқы жем-шөпті шөптің құнары кетпей мерзімінде орып алуды көздеп отырмыз, – дейді аудан әкімі Серік Балжанов.
Қазіргі уақытта ауданда жем-шөп әзірлеуде «Барыс» шаруа қожалығы, «Қаракөл» және «Ново-Приречное» жауапкершілігі шектеулі серіктестіктері шөп шабу науқанына қызу кірісіп кеткен.
