Қоқыс полигонында тұтанған өрттің қатты болғаны соншалық өрт сөндірушілер екі тәулік бойы арпалысуда, – деп хабарлайды Azattyk ruhy тілшісі.
«Экодам» қоқыс полигонынының отқа оранғаны туралы хабарлама кеше 15.16 минутта түскен.
Красный Яр селосының іргесіндегі қоқыс полигонында тұтанған полигонға бірден жеттік. Лезде күшейген тілсіз жау 290 шаршы метрді алып кетті. Төтенше жағдайлар қызметінің жеке құрамы мен Көкшетау техникалық сарбаздарының 20-дан астам қызметкері, сондай-ақ «Экодам» ЖШС жұмысшылары, жергілікті атқарушы органдар мен «Алтынтау Көкшетау» АҚ өрт сөндіру жұмыстарына көмек беруде. Екі тәулік бойы өрт сөндіру жұмыстары жалғасуда. Абырой болғанда зардап шеккендер жоқ, – деді Көкшетау қаласы төтенше жағдайлар басқармасы бастығының міндетін атқарушы Максим Шатковский.
Полигонда басталған өрт елдімекендерге қауіп төндірген жоқ.
