Қалада су құбырының магистральды желілеріндегі ілмекті арматуралар ауыстырылды. Мамандардың айтуынша, бұл жұмысқа шамамен 13 сағат уақыт кетті,-деп «Aqmola News» «Көкшетау су арнасына» сілтеме жасап.
– Соңғы 10 жылда мұндай жұмыс жүргізілмеген, тіпті кейбір тұсы 20 жылдан бері ауыстырылмаған. Егер бәрін ауыстырсақ, біздің жұмысымыз жеңілдейді, екіншіден тұрғындар да қиындық көрмейді, – дейді «Көкшетау су арнасы» кәсіпорны су құбыры учаскесі бастығының орынбасары Ержан Игебаев.
Қазіргі таңда құбырлар іске қосылып пәтерлерге су беріле бастады. Бұған дейін қаланың бірқатар аудандарында су беру уақытша тоқтатылған болатын.
Мамандар су берілген соң судың түсі өзгерсе, біраз суды ағызып қоюға кеңес береді.
