Бүгін Көкшетауда Абылай хан даңғылы 20 үйдің жертөлесінде болған өрттің салдарынан 22 эвакуацияланды. Олардың 4-і балалар болған – деп хабарлайды «Aqmola news».
Өрт сымдарда қысқа тұйықталудан болған.
«08 сағат14 минутта Ақмола облысы ТЖД «ӨС және АҚЖҚ» ММ күштер мен құралдарды жедел басқару орталығының өрт байланыс орталық пунктінің пультіне Абылайхан даңғылы 20 мекен-жайы бойынша орналасқан жертөледе өрт шыққаны туралы хабарлама келіп түсті.Шақырту орнына тез арада Өрт сөндіру қызметінің күштері мен құралдары жіберілді. Шақыру орнына келгеннен кейін ақпарат расталды. Жағдайды бағалай отырып, өрт сөндіру басшысы күштер мен құралдарды орналастыруды жүргізді» айтты Көкшетау қаласы төтенше жағдай басқармасының басшысы Әсет Жақсылықов.
Абырой болғанда зардап шеккендер болмаған.
Ақмола облысының төтенше жағдайлар департаменті өрт қауіпсіздігінің қарапайым қауіпсіздік ережелерін сақтауға шақырады.
