Полицейлер Ақмола облысындағы Астрахан селосының тұрғынынан есірткі жасауға арналған арнайы құрылғыларды анықтады, – деп хабарлайды «Aqmola news» Ақмола облысының полиция департаментінің баспасөз қызметіне сілтеме жасап.
Астрахан ауылының тұрғыны өзінің көлік жөндейтін техникалық қызмет көрсету станциясында есірткі жасаған. Біршама уақыт бойы сырттай бақылауда болған күдікті 13 мамыр күні арнайы операциямен қолға түсті.
54 жастағы азамат осы уақытқа дейін 2 грамнан астам «героинді» өзі жасап, сатып жіберген болып шықты. Техникалық қызмет көрсету станциясын тінту барысында есірткі заттарын әзірлейтін құрылғылар мен басқа да заттай дәлелдер тәркіленді, – деді Ақмола облысы полиция департаментінің баспасөз қызметінің жетекшісі Гүлнар Пинчук.
Аталған факт бойынша полицейлер сотқа дейінгі тергеу амалдарын жүргізуде. Қылмыстық кодекстің 297 бабының 1 тармағы бойынша қылмыстық іс қозғалып, күдікті уақытша оқшаулағышқа қамауға алынған.
