Елімізде төтенше жағдай енгізілгеннен бері Ақмола облысы полициясы халықты толғандырған сұрақтарға жауап беру үшін жедел желі ұсынған. Атап айтқанда Елордада карантин аймағындағы блок-бекеттердегі рұқсат режимі, жасалған шектеулерді сақтауға қатысты тұрғындар сауалдарын қоюда, – деп хабарлайды «Aqmola news» ақпарат агенттігі Ақмола облысы полиция департаментінің баспасөз қызметіне сілтеме жасап.
Қазіргі сәтте call-орталыққа 200-ден астам қоңырау түскен. Негізінен тұрғындар Нұр-Сұлтан және Омбы қалаларына кіру яки шығу, карантин аймағында орналасқан шағын елдімекендер арқылы өту жайында болды. Ал кәсіпкерлерді тауарларды тасымалдау және жеткізу мәселелері толғандырған.
Естеріңізге сала кетейік осы жылдың 19 наурызынан бастап ішкі істер министрлігінің тапсырмасы бойынша Ақмола облысының автожолдарында барлық бағытта 30 шақырым радиуста 15 бірдей блок-бекеттер қойылған.
Полиция 8-716-2-29-90-31, 8-708-444-54-18 телефондарымен тәулік бойынша жедел желіде полиция қызметкерлері кеңес беретінін ал 109 нөмірінде тәулік бойына денсаулық сақтау, әлеуметтік сала және коронавирустың алдын алу сұрақтары бойынша кеңес алуға болатынын хабарлайды.
