Көкшетау қаласының теміржол вокзалында санитарлық-карантиндік бекет жұмыс істей бастады. Термометрия жүйесі поезд станцияларынан келген жолаушылардың тұмау немесе ЖРВИ белгілері бар-жоғын анықтап, одан әрі зерттеуге және медициналық көмек көрсетуге мүмкіндік береді, – деп хабарлайды «Aqmola news» ақпарат агенттігі.
Бұл туралы Ақмола облысының тауарлар мен көрсетілетін қызметтердің сапасы мен қауіпсіздігін бақылау департаментінің әлеуметтік желідегі парақшасына жарияланды. Қазіргі уақытта теміржол вокзалындағы санитарлық-карантиндік бекетте дәрігерлер жолаушылардың дене қызуын өлшеп, қажет болған жағдайда медициналық көмек көрсетуде.
Өңірдің бас санитар дәрігері Айнагүл Мусина эпидемологиялық шараларды өзінің жеке бақылауына алмақ.
