Ақмолалық 15 эпидемиолог және санитар дәрігерлер бірнеше күн бойы Нұр-Сұлтан қаласындағы блок-бекеттерде дәрігерлік қызмет атқаруда, – деп хабарлайды «Aqmola news» ақпарат агенттігі.
Бұл туралы Ақмола облысының тауарлар мен көрсетілетін қызметтердің қауіпсіздігін бақылау департаментінің әлеуметтік желілердегі парақшасына жарияланды.
Ақмола облысынан арнайы жіберілген 15 дәрігерлер халықтың денсаулығын бақылау және тексеріс жасауға жұмылдырылған. Дәрігерлер Елорда айналасындағы барлық бағыттарда қойылған блок-бекеттерде тұрғындардың қызуын өлшеу, бақылау, сауалнама өткізу жұмыстарын өткізуде.
Естеріңізге сала кетсек, Нұр-Сұлтан және Алматы қалаларында коронавирус індетіне байланысты карантин жарияланған.
