Елордада және Алматы қалаларында карантин енгізілуіне байланысты ақмолалық полиция қызметкерлері Нұр-Сұлтан қаласы маңындағы блок-бекеттерде 10 800 автокөліктерді тексерді, – деп хабарлайды «Aqmola news» ақпарат агенттігі Ақмола облысы полиция департаментінің баспасөз қызметіне сілтеме жасап.
Осы жылдың 19 наурызында ішкі істер министрінің тапсырмасымен Нұр-Сұлтан қаласынан 30 шақырым аумағында барлық бағыттарға жедел блок-бекеттер қойып, автокөліктердің карантин аймағына кіруін және шығуын шектеу міндеті қойылған. Қабылданған шаралар азаматардың қауіпсіздігін қамтамасыз етіп, пандемиялық вирустың елдің өзге аймақтарына таралуына жол бермеуін қамтамасыз етуге бағытталған.
4 күнде полиция қызметкерлерімен 10841 авткөліктер тексерілді. Жүргізілген шаралар нәтижесінде 980 автокөліктердің Елордаға кіруіне тыйым салынды, – деді баспасөз қызметінен. Азаматар аталған шараларға түсіністікпен қарап, тәртіп сақшыларына кедергі келтірмегенін атап өткен жөн.
Естеріңізге сала кетсек, осы жылдың 22 наурызынан бастап Нұр-Сұлтан және Алматы қалаларына кіру және шығуды толығымен шектеу енгізілген болатын.
