Бурабайдағы қонақ үйлер мен демалыс орындары, емдеу-сауықтыру орталықтарында уақытша қызмет етілмейді. Бұл туралы өңірлік коммуникациялар қызметі алаңында белгілі болды,-деп хабарлайды Aqmola News ақпарат агенттігі.
Ақмола облысы тауарлар мен көрсетілетін қызметтердің сапасы мен қауіпсіздігін бақылау департаментінің басшысы, өңірдің бас санитар дәрігері Айнагүл Мусина қол қойған вирусқа қарсы шараларды күшейту жөніндегі қаулыға сәйкес өңірдегі бірқатар мекемелер жұмысын тоқтатып, мемлекеттік құрылымдар қашықтықтан жұмыс істеу режиміне ауыстырылды.
Емдеу-сауықтыру орындарына билет алып қойған тұлғалардың жолдамасын кері қайтару немесе кейінге шегеру мәселелері қарастырылуда.
