Ақмола облысы Целиноград ауданының ТЖБ су басу құбылыстарын азайту үшін «Көкше-Бур» ЖШС-мен бірлесіп Есіл, Нұра өзендерінің арналарындағы мұз жамылғысын әлсірету үшін жару жұмыстарын жүргізді. Жазатайым жағдайлардың алдын алу мақсатында, жарылыс жұмыстарын жүргізгеннен кейін аудан тұрғындарына мұзға шығуға тыйым салынды,-деп хабарлайды Aqmola News ақпарат агенттігі.
Осындай жұмыстар ауданның 5 ауылдық округтерінде 8 учаскеде өткізілді. Нұра өзені, пионер лагері ауданындағы 75 м2 болатын өзеннің бүгілуі тегістелді. Сонымен қатар облыстық маңызы бар Қабанбай батыр, Жалғызқұдық, Оразақ жолының автомобиль көпіріне дейін және Қошқарбаев,Тайтөбе Преображенка ауылдары маңындағы 3 өзен мен демалыс үйлерінің жанындағы мұздар ойылды.
Сонымен қатар Нұра өзені, мал шаруашылығы фермасының аумағында, Отаутүскен ауылы маңындағы Шалқар көпірінде, Есіл өзені облыстық маңызы бар Ақмол-Нұресіл-Талапкер жолының автомобиль көпіріне дейін Талапкер ауылының жанында жарылыс жұмыстары жүзеге асырылды.
