Ақмола облысында цемент зауытында жұмысшының өліміне байланысты тергеу амалдары жүргізілуде, деп хабарлайды Aqmola News ақпарат агенттігі.
Қаңтардың 27-сінде Біржан сал аудандық полициясының кезекшілік бөліміне аудандық аурухананың медбикесінен медициналық мекемеге жеткізілген ер адамның көз жұмғаны туралы хабар түсті.
«Мерт болған 24 жастағы жігіттің тексеріс барысында «Көкше цемент» ЖШС цех шебері болып жұмыс істегені анықталды. Ер адам жұмыс орнында вагонды сүйреу кезінде трос үзіліп кетіп, қарын тұсына тиген. Қазіргі кезде осы оқиға байланысты ҚР ҚК 156 бабының 3 бөлігі бойынша (Еңбекті қорғау ережесінің бұзылуы) сотқа дейінгі тергеу амалдары жүргізілуде. Сот-медициналық сараптама тағайындалды»,- деді облыстық полиция департаментінің баспасөз қызметі.
