Биыл Бурабай ауданында №1 жылу қазандығын жəне оның қосалқы жабдығын ағымдағы жөндеуден өткізуге «Жұмыспен қамтудың жол картасы» бағдарламасы аясында 429 миллион теңге бөлінді. Өңірде сағатына 10 гкал жылу қуаттылығын беретін екі қазандық орнатылуда,-деп хабарлайды «Aqmola News».
«Бурабай жылу» мемлекеттік коммуналдық мекемесінің бас директоры Зейнур Альбековтың айтуынша, жаңартылған қазандық аудандағы жылу жүйесінің сапасын жақсартып, жаңа құрлығылар басқару тетіктерінің жұмысын жеңілдеткен.
Барлық желілердің жұмысы жылу қазандығында орнатылған орталықтандырылған басқару жүйесі арқылы реттеліп жəне бақыланып отырады. Бұл жұмыстарға облыс əкімі жоғары баға беріп, бейнебақылау жүйесі цифрландырудың жақсы үлгісі екенін айтты,-дейді Зейнұр Альбеков.
Жалпы, ауданда жылу желілерін жаңарту жұмыстары жыл сайын жүргізілуде. Сонымен қатар, қазіргі таңда Бурабай кентіндегі жылу қазандығының жобалық қуаттылығын кеңейту жұмыстары жүргізіліп жатыр. Сағатына 10 гкал жылу қуаттылығын беретін екі қазандық орнатылуда.
Щучинск қаласындағы жылу жүйелері 82 шақырымды құрайды, оның 32 шақырымы тозығы жеткендіктен жөндеуді қажет етеді.
Биыл мемлекеттік бағдарламалар аясында қалада 5 жарым шақырым жылу құбыры жаңартылды. Туристік өңірдің жылу беру жүйесіне 2 млрд. теңге бөлінген.
Ал биыл жөндеу көрген жаңа қазандық жылдар бойы жылудан зардап шегіп келген көпқабатты 3 тұрғын үйді орталықтандырылған жылу жүйесіне қосылуға мүмкіндік берген.
