Токио олимпиадасы 2021 жылдың жазында өтеді. Бұл туралы халықаралық олимпиада комитетінің президенті Томас Бах мәлімдеді, деп хабарлайды «Aqmola News».
Томас Бах пен Жапония премьер-министрі жазғы ойындарға қатысты мәселелерді талқылап, ортақ келісімге келді. Яғни, олимпиада кезінде жанкүйерлер жарыс алаңына жіберілетін болды. Бұған қоса халықаралық жарыстың өтетін уақыты өзгермейді. Яғни Токио олимпиадасы 2021 жылы 23 шілде мен 8 тамыз аралығында ұйымдастырылады.
Айта кетейік, Қазақстан құрамасы бұл жарысқа 100-ден аса лицензия алуды жоспарлап отыр. Қазір жерлестеріміз еншісінде 42 жолдама бар.
