Жақсы ауданында ауданның тауарлар және көрсетлетін қызметтердің сапасы мен қауіпсіздігін бақылау басқармасы, БАҚ өкілдері, кәсіпкерлік бөлімі және полиция қызметкерлерінен құралған мониторингтік топ бірнеше нысанға тексеріс жүргізді, деп хабарлайды «Aqmola News».
Ақмола облысының бас санитар дәрігерінің 2020 жылдың 15 қазандағы «Ақмола облысы аумағында карантиндік шектеу шараларын күшейту туралы» №125 қаулысы бойынша санитарлық талаптар мен нормалардың сақталуына назар аударды.
Мониторингтік топ өкілдері Уәлиев атындағы спорт мектебі, «Урожай» жауапкершілігі шектеулі серіктестіктері мен «АРЭК»-тің Жақсы аудандық бөлімін бақылауға алды. Тексеріс барысында бір нысаннан карантин шараларының бұзылу фактілері анықталды.
Карантин шараларының күшеюіне байланысты мониторингтік топ санитарлық-эпидемиологиялық қауіпсіздік талатарының қамтамасыз етілуіне одан әрі тексеріс жүргізбек.
