Ақкөл ауданында жыл басынан бері 7268 шаршы метр жеке тұрғын үйлер пайдалануға берілді, деп хабарлайды «Aqmola News» Ақкөл ауданы әкімдігінің баспасөз қызметіне сілтеме жасап.
Жалпы жоспарға сәйкес ауданда 2020 жылы 8 мың шаршы метр тұрғын үй пайдаланылуға берілуі тиіс.
Тұрғын үйлерді салуға бөлінген инвестиция көлемі 974,2 миллион теңгені құраған. Аудан әкімдігінің мәліметінше қазан айында тағы 669 шаршы метр тұрғын үйдің құрылысы аяқталуы тиіс.
Сондай-ақ Ақкөл қаласы бойынша жиырмаға жуық жеке тұрғын үйлердің құрылысы басталған. Мұнымен қоса сауда үйі, монша-қонақжай кешені, дәмхана, және автожуу сияқты коммерциялық нысандар салынуы да жоспарланып отыр, – дейді Ақкөл аудандық сәулет және қала құрылысы бөлімінен.
