Ақмола облысында кір көтеруден онлайн чемпионат аяқталды, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
Жарысқа осы спорт түріне жаңадан қосылғандар мен қатар талай мәрте жеңістің тәтті дәмін татқандар да қатысты.
Спорттық жарыстың бас төрешісі Сергей Прохоровтың айтуынша, ережеге сәйкес әрбір ауданда жарыс бір мезетте өткізілді. Қатысушылар тіркеуден өтіп, өздерінің кір көтеруін төрешілер алқасына жолдады. Жарыстың қорытындысы да анықталды.
Төрешілердің шешімімен өз салмақ дәрежелерінде Астрахан ауданынан Жамбыл Оспанов, Целиноград ауданынан Зарина Сулименова, Жарқайың ауданынан Анатолий Шидловский, Сандықтау ауданынан Роман Корж бен Алина Волкова чемпион атанды.
«Өткізілген жарыс осынау күрделі кезеңде де спортшыларымыздың жақсы нәтиже көрсете алатынын көрсетті, – дейді Сергей Прохоров.
